د پاکستان د کراچۍ ښار په سنټر جېل کې بندي افغانانو ته ژمني توکي، ګرمې جامې او درمل وېشل شوي.د افغانستان د بهرنيو چارو وزارت د وياند مرستيال ضياءاحمد تکل پر ټوېټرپاڼه ليکلي چې دا جامې په کراچۍ کې د افغانستان کونسلګرۍ له لوري بندي افغانانو ته رسېدلې دي.د هغه په خبره، اوس مهال د دغو بنديانو د خلاصون هڅې روانې دي.د يادونې وړ ده ،چې د پاکستان په بېلابېلو زندانونو کې له ۱۵۰۰ ډېر افغانان بنديان وو، چې څه موده وړاندې لسګونه تنه ازاد شول.
