په خواشینۍ سره چې پرون مازدیګر د بهرنیو چارو وزارت مخ ته پر غځېدلي سړک باندې د دین، هیواد او اسلامي نظام د د ښمنانو له لوري چاودنه ترسره شوه چې په کې زموږ څو تنه هیوادوال شهیدان او زخمیان شول، انالله واناالیه راجعون.
د بهرنیو چارو وزارت له الله عزوجل څخه ددغې پېښې شهیدانو ته د جنت الفردوس، زخمیانو ته د عاجلې شفاء دعاء او اقاربو ته يې د صبر جميل او نعم البدل غوښتنه کوي.
همدارنګه د افغانستان د اسلامي امارت دښمنانو ته څرګندوي چې په داسې بزدلانه او نامشروع کړنو سره نه شي کولای د اسلامي نظام په وړاندې خپلو شومو اهدافو ته ورسيږي.
په هېواد کې د حاکم اسلامي نظام پر ضد جګړه او نور هر ډول تخريبي اعمال تر سره کول له اسلامي ارشاداتو سره په ټکر کې دي او مرتکبين يې مجرمين دي.
