د لوړو زده کړو وزارت سرپرست مولوي ندا محمد نديم په کندهار کې د ابراهيم النخعي جامعې رياست د ۳۳ ديني عالمانو د افتاء او قضاء برخو څخه د فراغت په مراسمو کې وويل، چې د هېواد د ټولو زونونو په ديني برخه کې به د تخصصي څانګو لپاره د لوړو زده کړو رياستونه رامنځته کړي.ورته مهال په دې غونډه کې د لوړو زده کړو وزارت علمي مرستيال ډاکټر لطف الله خيرخواه وويل، چې په اوسني وخت کې د افتاء او قضاء برخه خورا مهمه ده او فارغ شويو کسانو ته يې وويل، چې تاسو د ټولنې هغه شتمني ياست، چې ټولنې ته به خدمت کوئ او عدالت به خپروئ.په همدې حال کې د کندهار مرستيال والي مولوي حيات الله مبارک د افتاء او قضاء برخو ۳۳ تنو فارغ شويو کسانو ته په خطاب کې وويل: د نظام د معنوي قوت لپاره کار وکړئ، خلکو ته عامه پوهای ورکړئ او په اړوند قضايي اُرګانونو کې چې مقرر شوئ عدالت تامين کړئ.
