د ننګرهار کانال رياست اړوند هډې فارم دويم بلاک ۴۳ جريبه ځمکه د ۵ ميليونو افغانيو په لګښت د مالټو بڼ د جوړولو چارې پيل شوې.د دغه ولايت د کانال رئيس مولوي غلام الرحمن کظيم وويل، چې دا ځمکه له کلونو راهيسې شاړه پرته وه، چې افغان کرنيز شرکت ته په قرارداد ورکړل شوه او د ياد شرکت له لوري به پرې د ۵ ميليونه افغانيو په لګښت د مالټو بڼ جوړ شي.مولوي کظيم زياته کړه، چې په دې بڼ کې اوس ٢ زره ۸۵۰ د مالټو نيالګي ايښودل کېږي او وروسته به ورته نوره پراختيا هم ورکړل شي.د ده په خبره: ډېر ژر به په دې سيمه کې شاوخوا ١٢٠٠ جريبه نوره ځمکه هم کرنې او بڼوالۍ ته چمتو شي.
