د لوګر سيمه ييز چارواکي وايي، په دې ولايت کې د هغو نهو ښوونځيو د بيارغولو کار روان دی، چې د جګړو پر مهال وېجاړ شوي وو. دوی زياتوي، چې دغه ښوونځي د ملګرو ملتونو د ماشومانو د وجهي صندوق يا يونيسف په مالي مرسته رغول کېږي. په ورته وخت کې يو شمېر زده کوونکي د خپلو ښوونځيو د بيارغونې هرکلى کوي او غواړي چې د زده کړې ښه چاپېريال ورته برابر شي. د لوګر د پوهنې رياست د شمېرو پر بنسټ، په دې ولايت کې ۲۷۵ ښوونځي فعال دي، چې له دې ډلې ۱۰۰ ښوونځي لا هم ودانۍ نه لري.
