لغمان ولايت کې د اقتصاد رياست په هلو ځلو د صرف موسسې لخوا ۲۰۰ بې وزلو، يتيمو او بې سرپرسته کورنيو سره د کورني اقتصاد د پياوړتيا په موخه مرسته وشوه.د اقتصاد رئيس مولوي جان محمد حامد وايي، چې دغه مرسته کې هرې کورنۍ ته مختلف النوع توکي ورکړل شول.
د هغه د معلوماتو له مخې: ۲۵ کورنيو ته لنګې غواوې، ۱۲ کورنيو خوسيان، ۲۹ کورنيو ته د خياطۍ ماشينونه، رخطونه او لوازم، ۶۵ کورنيو ته د هګيو چرګې، ۷ ته د پليو ماشينونه، ۱۹ تنو ته لاسي کراچۍ، ۸ کورنيو ته جوړ دوکانونه، ۴ تنو ته د سلمانۍ سامان الات، ۱۲ کورنيو ته وزې او ۱۴ کورنيو ته د کور نور ضروري سامان الات ورکړل شول. د يادونې وړ ده چې له دې مخکې هم لغمان کې له بې وزلو کورنيو سره مختلف النوع مرستې شوې دې.
