د تخار او باميانو امنيتي مسئولينو ويلي، چې په دغو ولايتونو کې ۸ تنه د جنايي جرمونو په تور نيول شوي دي.د تخار د پوليسو وياند مبين صافي باختر آژانس ته ويلي، چې په مرکز تالقانو ښار کې امنيتي ځواکونو ۶ تنه د نشه يي توکو د قاچاق، غلا او جوارګرۍ په تور نيولي، چې له هغې ۲۰ پوړۍ هيرويين او يوه تومانچه نيول شوې.د يو بل خبر له مخې؛ د باميانو د نشه يي توکو پر وړاندې د مبارزې مدير محمد داوود حيدري وايي، چې په دغه ولايت کې ۲ تنه د نشه يي توکو د پلور په نيول شوي دي.دی زياتوي، چې له نيول شويو کسانو څخه يوه اندازه نشه يي توکي او څلور موبايلونه ترلاسه شوي دي.
