په بغلان او لوګر کې له ۱۲۱۴ اړمنو کورنيو او کندز کې له ۶۰۰ بڼوالو سره مرسته وشوه.د بغلان په دهنه غوري ولسوالۍ کې د اقتصادي ننګونو سره مخ ۲۱۴ کورنيو سره د آغاخان AKAH بنسټ له لوري د خوراکي توکو مرسته وشوه، چې هرې کورنۍ ته ۲۰۰ کيلوګرامه اوړه، ۱۶ لېټره غوړي، ۱۶ کيلو لوبيا او دوه کيلو مالګه ورکړل شوه.د يو بل خبر له مخې؛ د لوګر د سرې مياشتې رياست د المان د سولې کلي په مالي ملاتړ د دغه ولايت د خوښۍ ولسوالۍ ۱۰۰۰ سېلاب ځپلو او بېوزلو کورنيو سره د ۹ قلمه خوراکي توکو مرسته وکړه، چې هرې کورنۍ ته په کې۵۰ کيلو اوړه، ۱۰ ليټره غوړي، ۲۴ کيلو وريجي، ۷ کيلو لوبيا،۷ کيلو نخود، ۷ کليو مټر دال، ۵ کيلو بوره، ۱ کيلو شين چای او دوه تختې کمپلې ووېشل شوې.په ورته وخت کې د کندوز په چهار درې ولسوالۍ کې له ۶۰۰ بڼوالو سره د بڼوالۍ د بېلابېلو وسايلو مرسته وشوه.
