د ايران حکومت ويلي، چې د شاه چراغ پر زيارت يې د بريد له کبله دوه تنه په اعدام محکوم کړي.د ايراني رسنيو د راپورونو له مخې، تورن کسان رامز رشيدي او سيد نعيم قتالي نومېږي.رسنيو د فارس ولايت د محکمې د رئيس سيد کاظم موسوي په حواله ليکلي، رامز رشيدي اعتراف کړی، چې د شاچراغ زيارت له چاپېريال سره د بلدتيا لپاره څو ځلې له اصلي بريدګر سره تللی او دغه راز يې ورته ټکټ هم برابر کړی.په ورته مهال بيا قتالي هم ويلي ،چې ايران ته د بريدګر له داخلېدو وروسته هغه ورسپارل شوی او د داعش نورو غړو ته يې په تهران کې امن ځای ورکړی.
د يادونې وړ ده ،چې د شاه چراغ پر زيارت د ۲۰۲۲ ميلادي کال د اکټوبر مياشتې په وروستيو کې بريد وشو چې له کبله يې ۱۳ کسان ووژل شول او ۳۰ نور ټپيان شول.
