د ابن سينا د روږدو کسانو د درملنې د ۱۰۰۰ بستريز مرکز مسئولين وايي ،چې په دغه مرکز کې نږدې ۸۰۰۰ په نشه يي توکو روږدي کسان تر درملنې لاندې دي. د دغه مرکز مشر له نړيوالو مرستندويه بنسټونو غوښتي ،چې د درملنې د آسانتياوو په برابرولو کې ورسره مرسته وکړي. په ورته وخت کې د ملګرو ملتونو له نشه يي توکو او جرمونو سره د مبارزې دفتر په يوه ټوېټ کې ويلي، چې په ټول افغانستان کې به د نشه يي توکو د روږدو د درملنې له ۲۴ مرکزونو سره مالي مرسته وکړي.
