د کډوالو او بېرته راستنېدونکو چارو وزارت او د افغانستان د پوهنې د پراختيا (ADEO) موسسې ترمنځ د همکارۍ دوه تړونونه لاسليک شول.د کډوالو او بېرته راستنېدونکو چارو وزارت مطبوعاتي دفتر په خبرپاڼه کې ويلي، چې د لاسليک شويو تړونونو له مخې به ياده اداره د ۹۹۹ زره او ۹۵۸ امريکايي ډالرو په ارزښت د بغلان او سرپل ولايتونو په لرې پرتو ولسواليو کې له جګړو او طبيعي پېښو اغېزمن شويو ۲ زره ٣٤٠ کورنيو ته ژمنۍ جامې او خوراکي توکي چمتو او ووېشي. دغه تړونونه د کډوالو چارو وزارت د مسلکي معين مولوي عبدالرحمن راشد او د يادې ادارې د مسوولينو له خوا لاسليک شول.
