د ماليې وزارت ويلي: په تېرو ۱۵ مياشتو کې د هوايي کارګوګانو له لارې د افغانستان واردات ۷،۸ اووه اعشاريه اته ميليارده او صادرات ۴،۳۰ څلور اعشاريه ديرش ميليارده افغانۍ وو او له دې لارې ۹۶۵ ميليونه افغانۍ عوايد ترلاسه شوي دي. د ماليې وزارت په خبرپاڼه کې راغلي ،چې د دغه وزارت له لوري په ګمرکونو کې رونټيا او سوداګرو ته د ښو آسانتياوو رامنځته کولو په پايله کې د هوايي کارگوګانو له لارې د وارداتو او صادراتو کچه د پام وړ زياته شوې ده. سرچينې ليکلي په تېرو ۱۵ مياشتو کې د هوايي کارګوګانو له لارې د واردو شويو توکو ګمرکي ارزښت ۷ ميليارده او ۸۰۰ ميليونه افغانيو ته رسېږي. ماليې وزارت ويلي ،چې له دغه مدرکه يې ۹۵۴ ميليونه افغانۍ عوايد ترلاسه کړي دي. د سرچينې د معلوماتو له مخې، په ياده موده کې د هوايي کارګوګانو له لارې د ۴ ميليارده او ۳۰۰ ميليونه افغانيو په ارزښت صادرات شوي چې له درکه يې ۱۱ ميليونه افغاني عوايد ترلاسه شوي دي.
