د ننګرهار د سره رود ولسوالۍ ښاروالۍ له بېلابېلو برخو څخه ۵،۳ درې اعشاريه پنځه ميليونه عوايد ترلاسه کړي همدا رنګه درېيو مياشتو په موده کې يې سلګونه متره سړکړنه جغل اندازي کړي د ويالو او ګل دانونو د جوړولو ترڅنګ يې د ولسوالۍ په بازارونو کې د نرخونو کنټرول، او منظمه پاک کاري هم ترسره کړې دا خبرې دسره رود ښاروال قاري رازمحمد جبارخېل د باختر اطلاعاتي اژانس سره وکړې نوموړي ويلي : داچې ټولو هېوادوالو ته معلومه ده ،چې د اسلامي امارت راتګ سره په ټولو ادارو کې د فساد مخنيوی شوی همدا لامل دی چې زموږ په عوايدو کې هم دتېر کال په پرتله يو ميليون زياتوالی راغلی، ده وويل: ښاروالۍ يوازې عايداتي اداره نه ده ښاروالۍ خدماتي اداره هم ده که له يوې خوا له خلکو عوايد راټولوي له له بلې خوا د پلان سره سم په ساحو کې خلکو ته خدمتونه وړاندې کوي، ده وويل : دسره رود ښاروالۍ د سلطانپور او مويې مبارک په بازارونو کې د اته سوه مترو په اندازه پياده رونه په پاخه او اساسي ډول جوړ کړي د شمشپور او بلاباغ د کلو په مربوطاتو کې مو څه دپاسه دوه کيلو متره سړک باندې جغل اندازي کړې، د قلعه نو کلي ، کوڅې او ويالو باندې مو کانکريټ کړي، او په سړکونو مو ورته جغل اندازي کړې، د يادو کارو ترڅنک د سره رود ولسوالۍ مقام مخامخ مو په لسګونه متره نوي ګلدان هم جوړ کړي، همدارنګه د ولسوالۍ مقام مخامخ څخه مو د کانکريټي موانعو لرې کولو چارې ترسره کړي او ياد سړک مو د سره ترميم کړی او ولسوالۍ ته څېرمه يوشمېر دوکانونو مخو ته غصب شوې ويالې مو له غصب خلاصې کړي چې په دې کار سره سړکونه پراخه شوي او د ترافيکو پر مخ بېرته پرانيستل شوي، جبار خېل له خلکو غوښتنه وکړه ،چې په غيرې پلاني سيمو کې د کورنو او ودانيو له جوړولو څخه ډډه وکړي ده وويل: که هرڅوک چې نوي کورونه جوړه وي د نقشې سره سم بايد خپلې ودانۍ او ساختمانونه جوړ کړي ،ترڅو دده په وينا په راتلونکي کې له هر ډول ستونزو خودي وې.
