د ناروې د کډوالو شورا مشر يان ايګلنډ ويلي: پلان لري په ۲۰۲۳ م کال کې ۷ سوه زره افغانانو سره مرسته وکړي، خو په دې شرط بېرته خپلې بشري چارې پيلوي،چې اسلامي امارت ښځينه کارکوونکو ته د کار اجازه ورکړي.ايګلنډ په يوه ټويټ کې ليکلي، که اسلامي امارت په نادولتي موسسو کې د ښځينه کارکوونکو د کار بنديز ته دوام ورکړي، شپږ ميليونه کسان به په افغانستان کې له قحطۍ سره مخ شي.يان دغه راز ويلي: دوی له ښځينه کارکوونکو پرته خپلو فعاليتونو ته دوام نه شي ورکولی او که دغه پرېکړه غځېږي شپږ ميليونه افغان ماشومان به له زده کړو بې برخې پاتې شي.
