د پوهنې لپاره د قطر د مرستو صندوق په افغانستان کې له لومړنيو ښوونځيو څخه بهر ۳۰ زره نجونو او هلکانو ته د زده کړو د برابرولو لپاره له پوهنې وزارت سره يو هوکړه ليک لاسليک کړي.د پوهنې لپاره د قطر د مرستو صندوق په اعلاميه کې ويلي، چې دا هوکړه ليک د قطر د انکشافي ادارې د رئيس خليفه الکواري او د پوهنې وزارت سرپرست سيد حبيب الله اغا ترمنځ د په دوحه کې لاسليک شوی دی.په دې اعلاميه کې ويل شوي د پروژې هدف دادی، چې په يو شمير ولايتونو کې له لومړنيو ښوونځيو څخه بهر ۳۰ زره ماشومانو ته، چې نيمايي يې نجوني دي زده کړې برابرې کړي.دا پروژه به د کليوالو ښوونځيو استادانو ته د روزنې زمينه هم برابره کړي، چې ورسره به د نورو ښوونکو ګمارلو ته هم لاره پرانيستل شي.قطري چارواکو هيله ښودلې، چې دا پروژه به په افغانستان کې افغانانو ته په راتلونکي کې ښه فرصتونه برابر کړي.
