د عامې روغتيا وزارت مالي او اداري مرستيال مولوي محمد اسحق صاحبزاده فراه ته د خپل سفر په ترڅ کې د ياد ولايت په ۲۰۰ بستريز روغتون کې د هيموديالېز ( د بډوډو د درملنې) څانګې پرانيسته وکړه.صاحبزاده دغه راز ياد ولايت ته د سفر په ترڅ کې د عامې روغتيا رياست له مرستيال ډاکټر دين محمد عبدالحق او يو شمېر نورو روغتيايي چارواکو سره په کتنه کې د هغوی غوښتنې او ستونزې واورېدې. په دغه کتنه کې د فراه د عامې روغتيا رياست مرستيال ډاکټر دين محمد عبدالحق نوموړي ته له ښه راغلاست وروسته د روغتيايې پرسونل د زياتوالي، د ولسي وګړو د غوښتنو او اړتيا پر بنسټ د حوزوي روغتون د جوړولو، د ډاکټرانو د زده کړو د دوام لپاره د تخصصي او امبولانسي وسايلو د څانګو د جوړېدو او په دې ولايت کې د بېړنيو حالتونو لپاره د کافي پرسونل د ګمارل کېدو غوښتنه وکړه.په پای کې مولوي محمد اسحق صاحبزاده ژمنه وکړه چې په ياده برخه کې به يې ستونزو او غوښتنو ته رسېدنه وکړي.
