د افغانستان د غاليو توليدونکو او صادرونکو ټولنه وايي ،چې روان کال کې هېواد کې د غاليو توليد زيات شوی، خو په وينا يې، نړيوال بازار کې د بل هېواد په نامه خرڅېږي.د يادې ټولنې مسئولين زياتوي ،چې سږکال د غاليو په توليد کې ۲۵سلنه زياتوالي راغلي دي. دغه ټولنه همداراز وايي: نړيوال بازار کې د افغانستان نشتون لامل شوی، چې د هېواد توليد شوې غالۍ د نورو هېوادونو په نامه نړيوالو بازارونو کې پلور ته وړاندې شي.د افغانستان د غاليو توليدونکو او صادرونکو ټولنې مرستيال نوراحمد نوري وويل: ((په افغانستان کې د غاليو توليد کچه ۲۵سلنه زياته شوې او غالۍ لومړي لاس نه پلورل کېږي او نړيوال بازار کې ګډون نشو کولای.))په ورته مهال د اقتصاد وزارت مسلکي مرستيال عبدالطيف نظري وايي ،چې افغانستان کې د غاليو اوبدلو صنعت ودې او ملاتړ لپاره بايد هېواد ته د غاليو د وارداتو مخه ونيول شي.نوموړی وايي : (( که موږ د غاليو له صنعت او دې برخه کې له پانګهاچوونې ملاتړ ونهکړو، دغه صنعت به راتلونکو کلونو کې له رکود سره مخ شي.))بلخوا د صنعت او سوداګرۍ وزارت مسئولين وايي، چې د يادې ټولنې ستونزو ته به رسېدنه وکړي.د صنعت او سوداګرۍ وزارت مرستيال قدرتالله جلال وايي: (( موږ هڅه کوو چې ګمرکي تعرفې کمې کړو او له خلکو غواړو ،چې له کورنيو توليداتو استفاده وکړو او همداراز د غاليو توليدونکو او صادرونکو ټولنې ستونزو ته به رسېدنه وکړو.)) د صنعت او سوداګرۍ وزارت د معلوماتو پر بنسټ، په روان کال کې يو ميليونه کسان د غاليو اوبدلو برخه کې پر کار بوخت وو ،چې دې موده کې يې ۸۰۰زره متر غالۍ اوبدلې دي.
