د افغانستان بانک، پرون په يوه خبرپاڼه کې، کابل ته د ۴۰ ميليونو امريکايي ډالرو بشري مرستو د رارسېدو خبر ورکړی دی.په خبرپاڼه کې ويل شوی: افغانستان ته د بشري مرستو په لړ کې، ۴۰ ميليونه امريکايي ډالره نغدي مرسته کابل ته راورسېده.د افغانستان بانک، د نړيوالې ټولنې د بشري مرستو قدرداني کړې او د زياتو همکاريو غوښتنه يې کړې ده.په همدې حال کې، دغه بانک هېواد ته له قانوني او اصولي لارو د اسعارو د واردېدو هرکلی کړی او د نړيوالې ټولنې د بشري مرستو د مننې ترڅنګ يې غوښتنه کړې ، چې په نورو مالي او بانکي برخو کې هم له افغانستان بانک سره غوره بانکي اړيکې وپالي.د يادونې وړ ده ،چې افغانستان ته د بشري مرستو له پيله، د( ۵۸) مه کمکي کڅوړه ده ،چې په نغدي ډول کابل ته را رسېږي او د هېواد يو سوداګريز بانک ته سپارل کېږي.وړمه ورځ هم، د بشري مرستو ۴۰ ميليون ډالري کڅوړه د هېواد يو سوداګريز بانک ته لېږدول شوې وه.دا په داسې حال کې چې افغانستان ته د مرستندويو هېوادونو د بشري مرستو د لېږلو دبهير له پيله تر اوسه، نږدې دوه ميليارډه امريکايي ډالره هېواد ته را رسېدلي دي.
