د ایران دفاع وزارت ويلي، چې اصفهان کې ددغه وزارت پر ځينو برخو د ‘بې پیلوټه’ الوتکې بریدونه شوي دي.
د ایران دفاع وزارت ويلي، چې اصفهان کې ددغه وزارت پر ځينو برخو د ‘بې پیلوټه’ الوتکې بریدونه شوي دي.
د ايران د دفاع وزارت له لوري په خپره شوې خبرپاڼه کې ياد بريد ته د (کوچنۍ مرغۍ) برید ويل شوي چې د دغه وزارت په يوه بنسټ شوي دي.
د دفاع وزارت او د ایران وسله والو ځواکونو په یوه ګډه خبرپاڼه کې ویلي، د شپې دوه نیمې بجې له کوچنۍ مرغۍ په ګټه اخیستو د دفاع وزارت پر یوه بنسټ او ورشکاپ نابریالی برید شوی، چې پکې څوک وژل شوي نه دي، يواځې د ورکشاپ چت زيانمن شوی دی.
خبرپاڼه زیاتوي، دوه نورې بریدګرې بې پیلوټه الوتکې ویشتل شوې دي.
ايران تر اوسه د دغه بريد پړه پر کوم هېواد يا ډلې نه ده اچولې او نه چا د دغه بريد مسؤليت په غاړه اخيستی.
دغه راز د ایران حکومت ويلي، له دې برید څو ساعته مخکې د اصفهان د “مهماتو” د تولید په یوه کارخونه کې یوه لویه چاودنه شوې چې چا ته په کې زیان نه دی اوښتی.
