کابل کې د ايران سفير او د دغه هېواد د ولسمشر ځانګړي استازي حسن کاظمي قمي ويلي: په افغانستان کې د ايراني پانګوالو لپاره د پانګونې ښه زمينه برابره ده.نوموړي زياته کړې: په افغانستان کې د پانګونې لپاره په هره برخه په ځانګړي ډول د کانونو برخه کې ښه زمينه برابره ده او ايران د يوه دوست هېواد په توګه په افغانستان کې پانګونه د اقتصادي ودې لپاره له خپلو لومړيتوبونو بولي.قمي د فولادو يادونه وکړه او ټينګار يې وکړ، چې د کانونو په برخه کې تر افغانستان پرته بل هېڅ هېواد د ايران لپاره وجود نه لري.د ايران سفر ټينګار کړی، چې ايران کولی شي په افغانستان کې د يوه دوست په شان همکاري وکړي او دواړو هېوادونو ته اقتصادي ګټه واړوي.د ده په وينا: ايران اوس خپل ځينې لومړني توکي له استراليا، برازيل، او د لاتينې امريکا له ځينو هېوادونو واردوي، په داسې حال کې، چې افغانستان يې ګاونډ کې دی او په آسانه کولی شي، له دغه هېواده يې وارد کړي. د ايران سفر دا هم ويلي، چې د دواړو هېوادونو د همکارۍ او اقتصادي ودې لپاره د امن پولو شتون هم اړين دی. کاظمي د افغانانو تر منځ په سياسي ديالوګ هم ټينګار کړي ويلي يې دي، چې که افغانان خپلو کې سره جوړ شي، نو ايران به له افغاني کډوالو خلاص شي.
