د رياست الوزراء اقتصادي معاونيت وايي: د ۱۴۰۱ کال د وري له لومړۍ نېټې څخه د کب تر شلمې د افغانستان د صادراتو کچه ۱۹۰۰ميليونه ډالرو ته لوړه شوې ده. رياست الوزراء اقتصادي معاونيت پر ټويټر ليکلي: په تېر ۱۴۰۰ لمريز کال کې د صادراتو کچه ۸۵۰ ميليونه ډالره وه. د رياست الوزراء اقتصادي معاونيت د معلوماتو پر بنسټ، د دې صادراتو ۹۷ سلنه ايران، پاکستان، ازبکستان، قزاقستان، چين، ترکيې، ترکمنستان، هندوستان، تاجکستان او متحده عربي اماراتو ته شوي دي.
