د افغاني سرې مياشتې له لوري په تېر يو کال کې په ټول هېواد کې له ۱۱۳۷۸۱۰ مېرمنو سره د خوراکي او غير خواراکي توکو او نغدي مرسته شوې. همدا ډول له سوالګرو سره د مرستې په پروسه کې، چې اکثريت يې ښځې دي؛ د سوالګرو مېرمنو د کورنيو له ۲۸۰۸ غړو سره ۵۶۱۶۰۰۰ افغانيو مياشتينۍ نغدي مرسته شوې. د دې ترڅنګ په کابل، کندهار، ننګرهار، هرات او بلخ ولايتونو کې لسګونو بې سرپرسته مېرمنو ته د افغاني سرې مياشتې په مرستونونو کې د ژوند د آسانتياوو او د دوی زامنو ته د زده کړو ترڅنګ په خپله مېرمنو سره مرستې شوي او حِرفوي زده کړې ورکول شوي.همدا ډول په کابل، هرات او ننګرهار ولايتونو کې د ۱۳۸ ښځينه رواني ناروغانو ساتنه او درملنه کېږي.په تېر يو کال کې د روغتيا په برخه کې د افغاني سرې مياشتې د قابلو او ښځينه روغتياپالو له لوري په کور د ننه او نږدې روغتيايي مرکزونو کې له دوو ميليونو ډېرو مېرمنو ته روغتيايي خدمات ترسره شوي.
