د بهرنيو چارو سرپرست وزير د سره صليب او سرې مياشتې ټولنې نړيوال فدراسيون د آسيا برخې مشر الکساندر ماتيو سره کتلي. د دې وزارت مرستيال وياند ضياء احمد تکل د ماتيو په حواله پر ټوېټر ليکلي، د تېرو کلونو په پرتله د ۲۰۲۳ لپاره کلنۍ بودجه ډېره شوې او چارې يې عادي روانې دي. د بهرنيو چارو وزارت سرپرست اميرخان متقي په دې ليدنه کې هيله څرګنده کړې ،چې د هېواد لرې پرتو سيمو ته د خدمتونو غځولو، د روغتونونو اکمالاتي تجهيز او بهر ته د ناروغانو د لېږدولو په برخو کې هڅې لا ګړندۍ شي.
