د کابل ښار پنځه لسمې ناحيې اړوند پروان هوټل ته مخامخ د (۲۵۸۴) متر مربع سيمې د زرغونتيا چارې، په داسې حال کې چې، د پنځه لسمې ناحيې رئيس عبدالبصير خليلي او د زرغونتيا رياست مرستيال سراج الدين پټان هم حاضر وو، پيل شوې.د پنځه لسمې ناحيې رئيس په دې اړه وويل: دغه سيمه چې پخوا غصب شوې وه، د غير قانوني او خپلسرو تاسيساتو له شتون څخه ترپاکيدو وروسته يې د رغولو او زرغونتيا چارې پېل شوې دي.همدا راز د زرغونتيا رياست مرستيال وويل، چې په دې سيمه کې د راز راز نيالګيو له کېنولو سربېره، چمن هم کرل کېږي ،تر څو په يوې ښکلې زرغونې سيمې بدله او د احاطې او کټارو د نصبولو چارې به يې هم ډېر ژر پيل شي.شنې سيمې، عامه ملکيت دی او هېڅ حکمي او حقيقي شخص ته به اجازه ورنکړل شي چې ناوړه ګټه ترې واخلي.
