افغانستان بانک تر يوې مياشتې ځنډ وروسته پرون يو ځل بيا د ۴۰ميليونه ډالرو نغدې بشري مرستې رارسېدو خبر ورکوي.د دغه بانګ پر ټوېټرپاڼه ليکل شوي، چې له افغانانو سره د بشري مرستو پر دوام يو ځل بيا ۴۰ميليونه امريکايي ډالر کابل ته راورسېدل او يو خصوصي بانک ته وسپارل شول.دغه بانک له افغانانو سره د نړيوالو د نغدي مرستې هرکلی کړی او له هغوی يې غوښتي، چې دغه مرستې د بانکي سکتور له لارې افغانستان ته راولېږدوي.تر دې وړاندې هم تر يو ميليارد ډالر ډېره بشري مرسته افغانستان ته رالېږدول شوې وه.
