ادبشعرونه

شاهزاده هري ته:

شعر

شعر: مولوي محمدهاشم ذاکر

ای د وحشتونو پلاره تاسره حساب لرو
دوه اودرې خو نه دي ستا د ظلم ډک کتاب لرو

ته به يې شطرنج بولې خو هر پرهر قيمت لري
هېر مو ندي وخت ګورو د هر ګوزار ځواب لرو

يو ته نه وې ډېر سر زوري راغلو زموږ خوړلو ته
مونږ د (هري ) غوندې پوروړي ډېرکلاب لرو

ستړو کړاوونو سرو اورونو کې لوی شوي يو
مونږ لکه سندان څو وهل کېږو دومره تاب لرو

تا د ميکناټن د مرګ کیسې لکه چې هېرې دي
مونږ خو د ننګونو په تاريخ کې زرين باب لرو

ورشه د نيکونو خاطرو ته دې لږ وګوره
تا ته د ميوند ترخې صحنې د انقلاب لرو

دوی به خود شرمېږي چې هم مات شول هم بې آبه شول
مونږ ذاکره شکر هم ميدان وړی، هم آب لرو

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Check Also
Close